बुडिमिरको निर्णायक गोलमा क्रोएसिया विजयी, बाहिरियो पानामा

क्रोएसियाले फिफा विश्वकप २०२६ मा पानामालाई १-० गाेलले पराजित गरेको छ । एन्टे बुडिमिरको एक मात्र गोलमा क्रोएसियाले पानामालाई हराएकाे हाे ।

क्यानडाको टोरन्टो स्टेडियममा बुधबार बिहान सम्पन्न खेलमा क्रोएसियाका लागि बुडिमरले दोस्रो हाफमा गरेकाे एक मात्र गाेल निर्णायक बन्याे ।

यो नतिजाले क्रोएसियाको नकआउट चरण पुग्ने सम्भावना कायम रह्यो । पानामा भने प्रतियोगिताबाट बाहिरिएको छ ।

बुडिमिरले ५३औँ मिनेटमा जोसिफ स्टानिसिकको पासमा गोल गर्दै क्रोएसियालाई अग्रता दिलाएका थिए । त्यसपछि दुवैले टोलीले गोल गर्ने प्रयास गरेपनि थप गोल भएन ।

अब समूहको लिग चरणको अन्तिम दिनको खेलमा पानामाले इंग्ल्यान्ड र क्रोएसियाले घानाको सामना गर्नेछ ।

प्रकाशित मिति: बुधबार, असार १०, २०८३

०६:५१