सुदूरपश्चिमका दुर्गम बस्तीमा कहिले सडक पुर्‍याउला सरकारले ?

धनगढी । सुदूरपश्चिम प्रदेशमा ८८ वटा स्थानीय तह छन् । यीमध्ये कतिपय स्थानीय तहमा सडक सञ्जाल जाेड्न सकिएको छैन ।

सबै स्थानीय तहमा सडक सञ्जालले जोड्ने भनेर सरकारले योजना बनाए पनि सो अनुसार काम हुन सकेको छैन । प्रदेशका ९ जिल्लामध्ये पहाडी र हिमाली क्षेत्रका अधिकांश स्थानीय बासिन्दा अहिलेको समयमा पनि घण्टौँ पैदल हिँड्न बाध्य छन् । कतै सडक नै पुगेको छैन भने कतै पुगेका सडकहरू पनि बर्खायाममा काम लाग्दैनन् ।