तृणमूल सांसद अभिषेक बनर्जीमाथि आक्रमण गरेको आरोपमा चार जना पक्राउ

भारत, पश्चिम बंगालको दक्षिण सोनारपुरमा तृणमूल कांग्रेसका सांसद अभिषेक बनर्जीमाथि शनिबार भएको आक्रमण प्रकरणमा चार जना पक्राउ परेका छन्।

उनी चुनावपछि हिंसामा परेका आफ्ना पार्टी कार्यकर्ताहरूलाई भेट्न गएका बेला भारतीय जनता पार्टी (भाजपा) का कार्यकर्ताहरूले उनलाई घेरेर सुनियोजित रूपमा आक्रमण गरेको भारतीय सञ्चारमाध्यमले जानकारी दिएका छन्। आक्रोशित भीडले उनलाई नाराबाजी गर्दै ढुंगा, जुत्ता र अण्डा प्रहार गर्नुका साथै उनको सर्ट समेत च्यातिदिएका थिए। उक्त क्षेत्रबाट संकलन गरिएको भिडियो फुटेजको आधारमा प्रहरीले रातभर छापा मारेर आइतबार यस घटनामा संलग्न चार जना संदिग्धहरूलाई पक्राउ गरेको हो।