सुदूरपश्चिममा मनसुनी विपद्‌बाट ३३ हजार नागरिक प्रभावित हुने अनुमान

धनगढी । यस वर्षको मनसुनका कारण सुदूरपश्चिम ३३ हजारभन्दा बढी नागरिक प्रभावित हुने अनुमान गरिएको छ । सुदूरपश्चिम प्रदेश आन्तरिक मामिला तथा कानुन मन्त्रालयका अनुसार विपद् (बाढी, पहिरो, डुवान)बाट प्रदेशका ७ हजार ६ सय ३ घरधुरी विपद्को प्रत्यक्ष चपेटामा पर्ने अनुमान गरिएको छ ।

मन्त्रालयका विपद् सम्पर्क व्यक्ति जनक धामीका अनुसार प्रदेशको ३३ हजार २ सय २७ जना मानिस विपद्बाट प्रभावित हुनसक्ने अनुमान गरिएको छ । प्रदेश सरकार तथा सरोकारवाला निकायहरूले पूर्वतयारी र प्रतिकार्य योजनालाई तीव्रता दिएको धामीले बताए ।