सँघारमा २०औं एसियाली खेलकुद

ओलम्पिक र विश्व च्याम्पियनसहित ४५ देशका करिब १७ हजार खेलाडीसँगै पदाधिकारी जापानमा शनिबारदेखि हुने २०औं एसियाली खेलकुदमा सहभागी हुँदै छन्। यस एसियाली खेलकुदका ४३ खेलमध्ये अधिकांश प्रतिस्पर्धा जापानको प्रमुख बन्दरगाह सहर नागोया र आसपासको आइची प्रिफेक्चरमा हुने तय छन्।

नागोया जापानको चौथो ठूलो जनसंख्या भएको सहर हो, जहाँ २० लाखभन्दा बढी मानिस बसोबास गर्छन्। दोस्रो विश्वयुद्धका क्रममा ठूलो क्षति भएको नागोया युद्धपछि पुनर्निर्माण गरिएको हो। ३० हजार दर्शक क्षमताको मिजुहो पार्क एथलेटिक रंगशाला मुख्य आकर्षणको केन्द्र रहनेछ। यही रंगशालामा एथलेटिक्सका खेलसँगै उद्घाटन र समापन समारोह हुने तय छ। अत्यधिक चासोका साथ हेरिने पौडीको प्रतिस्पर्धा भने नागोयाबाट करिब ३५० किलोमिटरपूर्व राजधानी टोकियोमा हुनेछ। हरेक चार वर्षमा आयोजना हुने गरी तय एसियाली खेलकुद अक्टोबर ४ तारिखमा सकिनेछ।