काराबाओ कपमा लिभरपुल र आर्सनल विजयी, आज युनाइटेडकोसहित चार खेल

काराबाओ कप फुटबलको तेस्रो चरणअन्तर्गत गएराति भएका खेलमा लिभरपुल र आर्सनलसहित पाँच टोलीले चौथो चरणमा स्थान बनाएका छन्।

लिभरपुलले टोटेनहम हटस्परलाई ३-१ ले पराजित गर्दै अन्तिम १६ मा स्थान बनायो। घरेलु मैदान एनफिल्डमा लिभरपुलका लागि एलेक्सिस म्याक एलिस्टरले २१औँ मिनेटमा गोल गर्दै अग्रता दिलाए। कोडी गाक्पोले दोस्रो हाफको सुरुवातमै अग्रता दोब्बर बनाए। टोटेनहमका कोनोर गालाघरले गोल फर्काए पनि इन्जुरी समयमा डोमिनिक स्जोबोस्लाईले उत्कृष्ट गोल गर्दै लिभरपुलको जित पक्का गरे।