खोला आसपासका बस्ती डुबानमा

भक्तपुर । अविरल वर्षाका कारण भक्तपुर जिल्लाका चारवटै नगरपालिकाका विभिन्न स्थान डुबानमा परेका छन् । हनुमन्ते र मनोहरा खोला तथा अन्य साना खोला र खहरेमा आएको बाढीले भक्तपुर, चाँगुनारायण नगरपालिका तथा मध्यपुर र सूर्यविनायक नगरपालिकाका केही बस्ती डुबानमा परेका छन् ।

हनुमन्ते खोलामा आएको बाढी बस्तीमा पस्दा बाढीले भक्तपुर नगरपालिकाअन्तर्गत भेलुखेल, हनुमान घाट, बाराही क्षेत्रका बस्ती डुबानमा परेका छन् । बाढीले हनुमानघाटदेखि सल्लाघारीसम्मको बस्ती, स्कुल र अस्पताल डुबाएको छ ।