नारायणगढ–मुग्लिन सडकखण्डमा आंशिक रोक, रसुवा र सिन्धुपाल्चोकका सडक अवरुद्ध

काठमाडौं– बाढी, पहिरो र सडक कटानका कारण रसुवा, धादिङ, सिन्धुपाल्चोक, सुर्खेत र हुम्लाका प्रमुख सडक अवरुद्ध भएका छन्। काभ्रेको वि.पि. राजमार्ग र चितवनको नारायणगढ–मुग्लिन सडकमा भने समय तोकेर सवारी सञ्चालन भइरहेको छ। नुवाकोटको टोखा–छहरे सडकमा अत्यावश्यक सेवाबाहेकका सवारी राति बन्द रहनेछन्।

रसुवाको उत्तरगया गाउँपालिका–५ खाल्टेस्थित त्रिशूली–मैलुङ–स्याफ्रुबेँसी सडकखण्ड पूर्ण रूपमा अवरुद्ध छ। २०८३ साउन ८ गते त्रिशूली नदीले सडकको तल्लो भाग कटान गरेपछि अवरुद्ध भएको सडक साउन १० गते आएको बाढीले थप क्षतिग्रस्त बनाएको हो।