तेह्रथुमको सुकुटी : परदेशको कोसेली

१० असार, तेह्रथुम । पूर्वी पहाडी भेगको चिसो हावापानी, परम्परागत जीवनशैली र अगेनाको धुँवासँग गाँसिएको एउटा स्वाद आज विश्वभर छरिएका नेपालीहरूको मनमा बस्न थालेको छ सुकुटी । कुनै समय गाउँघरमै सीमित यो परिकार अहिले विदेशसम्म कोसेलीका रूपमा पुग्दै केवल स्वाद मात्र होइन, आफ्नो माटोको सम्झना बोकेर गइरहेको छ ।

रोजगारीका लागि खाडी, मलेसिया, कोरिया, जापान लगायतका देशमा पुगेका नेपालीहरू जब घर फर्किन्छन् । उनीहरूका हातमा आधुनिक उपहारहरु हुन्छन् । तर, जब फर्किने बेला आउँछ, उनीहरुको झोलामा अनिवार्य रुपमा समेटिन्छ सुकुटी ।