पृथ्वी र बिपी राजमार्गमा सास्ती: देशभरका कुन सडकको अवस्था के छ ?

काठमाडौँ – बाढी, पहिरो तथा सडक मर्मतका कारण देशका विभिन्न मुख्य राजमार्ग एवं सडक खण्ड प्रभावित भएका छन्। नेपाल प्रहरीद्वारा जारी भदौ ३१ गते बिहान ६ बजेसम्मको अद्यावधिक विवरणअनुसार बागमती र कर्णाली प्रदेशका मुख्य सडकहरूमा अवरोध कायमै रहेको छ।

बागमती प्रदेशअन्तर्गत काभ्रेको बिपी राजमार्गस्थित खुर्कोट-नेपालथोक-कटुन्जेबेँसी खण्डमा १० टनसम्मका मालवाहक सवारी साधन साँझ ७ बजेदेखि बिहान ५ बजेसम्म सञ्चालन हुनेछन्। अन्य सवारी साधन भने बिहान ४ बजेदेखि साँझ ६ बजेसम्म परिस्थितिको विचार गरी सञ्चालन गरिनेछ। रसुवाका मुख्य राजमार्गहरू बाढीका कारण पूर्ण रूपमा अवरुद्ध छन्।