भावुकता र ठट्यौली मिसिएको शिवशंकर थापाको पलेँटी

काठमाडौँ । कालिकास्थानस्थित नेपालयको ‘आर’ शालामा प्रसिद्ध गीतकार शिवशंकर थापाका गीतहरू गुन्जिएका छन् । विगत २१ वर्षदेखि जारी ‘पलेँटी’ को नयाँ शृङ्खलामा उनका गीतहरू गुन्जिएका हुन् । शिवशंकर थापासँगै पलेँटीमा संलग्न गीतकारको सङ्ख्या एक दर्जन पुगेको छ ।

तीन खण्डमा विभाजन कार्यक्रमको पहिलो खण्डमा नयाँ र पुराना गीत गरी पाँच वटा साङ्गीतिक प्रस्तुतिहरू भएका थिए । जसमा सङ्गीतकार सुवर्ण लिम्बु, प्रकाश गुरुङ, आभास र बलराम समालका धुनहरू समावेश थिए ।