मेटाले ल्याउँदैछ आफ्नै ‘भविष्यवाणी गर्ने’ एप

एजेन्सी । फेसबुक र इन्स्टाग्रामको मातृ कम्पनी मेटाका मालिक मार्क जुकरबर्गले अब एउटा नयाँ ‘प्रेडिक्सन मार्केट’ एप बनाउन निर्देशन दिएका छन् । यस एपको भित्री नाम ‘एरिना’ राखिएको छ ।

यो एपमा प्रयोगकर्ताहरूले भविष्यमा हुने विभिन्न घटनाहरूको बारेमा अनुमान वा भविष्यवाणी गर्न सक्नेछन् । उदाहरणका लागि, आगामी चुनाव कसले जित्ला, कुन खेलमा कुन टिम विजयी होला वा कुन फिल्मले कति कमाउला भन्ने जस्ता विषयमा मानिसहरूले आफ्नो दाबी प्रस्तुत गर्न पाउनेछन् ।