द भ्वाइस अफ हिन्द रजाब :  युद्धभूमिमा फुलेको एउटा फूल

काठमाडौँ । हामीलाई थाहा छ, आज पनि पश्चिम एसिया बारुदको धुवामा निसास्सिएको छ । सबै जसो अखबारका मुख पृष्ठहरू आक्रमण, धम्की, सनक र नरसंहारका सनसनीपूर्ण खबरले ढाकिएको समय छ । सन् २०२३ देखि सुडानमा राज्य असफलताको अवस्था छ । दुई पक्षबिच चलेको हिंस्रक द्वन्द्वमा करिब चार लाख हाराहारी मानिस मारिएका छन् । साढे चार करोड मानिस न्यूनतम आधारभूत आवश्यकताकै अभावमा दिनदिनै तड्पिँदैछन् ।

ब्ल्याक सी वरपर चार वर्षदेखि चलेको रुस–युक्रेन युद्धमा बारुदकै कारण तीन लाख भन्दा बढी मानिसको इहलीला सिद्धिएको छ । घरबारविहीन, विस्थापित नागरिक तथा शरणार्थीका दुःख अङ्कगणितको हिसाब–किताब भन्दा कोसौँ पर छ ।