१० स्थानीय जनप्रतिनिधिको पद रिक्त, अधिकांश वडा अध्यक्ष

काठमाडौं। निर्वाचन आयोगले विभिन्न स्थानीय तहका निर्वाचित १० जना जनप्रतिनिधिको पद रिक्त भएको जनाएको छ। सम्बन्धित जनप्रतिनिधिले राजनीतिक दल त्याग गरेको सूचना प्राप्त भएपछि प्रचलित कानुनअनुसार उनीहरूको निर्वाचित पद रिक्त घोषणा गरिएको आयोगले जनाएको हो।

आयोगका अनुसार पद रिक्त हुने जनप्रतिनिधिमा धनुषाका चार, खोटाङका दुई, डोल्पाका दुई तथा कैलाली र मोरङका एक–एक जना छन्। रिक्त पदमध्ये अधिकांश वडा अध्यक्षका रहेका छन् भने केही गाउँपालिका उपाध्यक्ष पद पनि छन्।