वित्त बजार र अर्थतन्त्रमा प्रदेश बजेटले के परिवर्तन ल्याउला ?

विराटनगर । कोशी प्रदेश सरकारले आगामी आर्थिक वर्ष २०८३/०८४ का लागि ४० अर्ब ४४ करोड ९८ लाखको बजेट सार्वजनिक गरेको एक साता बितेको छ । आर्थिक मामिला तथा योजनामन्त्री विदुरकुमार लिङथेपले बजेट प्रस्तुत गर्दा यसलाई ‘आर्थिक रूपान्तरणको खाका’ भनेर चर्चा गरे ।

बजेटले ५ प्रतिशतको आर्थिक वृद्धि, कृषि र पर्यटन क्षेत्रको आधुनिकीकरणलाई प्राथमिकतामा राखेको छ । बजेट सार्वजनिक भएको पहिलो साता बित्दैगर्दा निजी क्षेत्रले बजेटलाई उत्साहजनक भनेको छ । अर्थशास्त्रीहरूले बजेट खर्च क्षमता बढाउन र आर्थिक स्रोतको सङ्कुचन हटाउन सरकारको ध्यानाकर्षण गरेका छन् ।