सरकारले १०१ अन्तर्राष्ट्रिय पदक विजेतालाई साढे १० करोड बढी पुरस्कार दिने

सरकारले अन्तर्राष्ट्रिय खेलकुद प्रतियोगिताहरूमा मुलुकको शिर उच्च बनाउने १०१ जना खेलाडी तथा खेल टोलीलाई कुल १० करोड ५१ लाख ४८ हजार ५०० रुपैयाँ नगद पुरस्कारसहित सम्मान गर्ने निर्णय गरेको छ।

मन्त्रिपरिषद्को मङ्गलबार बसेको बैठकले अन्तर्राष्ट्रिय प्रतियोगिताहरूमा पदक हासिल गरेका खेलाडी, प्रशिक्षक, सहायक प्रशिक्षक, फिजियो र व्यवस्थापकहरूलाई नगद पुरस्कार प्रदान गर्ने प्रस्ताव स्वीकृत गरेको हो।