फेवातालमा डुबेर बेपत्ता युवक मृत फेला

पोखरा । फेवातालमा पौडी खेल्ने क्रममा डुबेर बेपत्ता भएका एक युवक मृत अवस्थामा फेला परेका छन्। सशस्त्र प्रहरी बलको गोताखोर टोलीले मंगलबार राति करिब ९ः१० बजे उनको शव फेला पारेको हो।

मृतक पोखरा महानगरपालिका-१५ रामबजार निवासी १९ वर्षीय अमर थापा क्षेत्री रहेको सशस्त्र प्रहरीले जनाएको छ। उनी मंगलबार साँझ करिब ७ बजे पोखरा-६ स्थित फेवातालमा पौडी खेल्ने क्रममा डुबेर बेपत्ता भएका थिए।