कङ्गोलाई हराउँदै कोलम्बिया नकआउट चरणमा

काठमाडौँ । फिफा विश्वकप २०२६ अन्तर्गत समूह ‘के’ को खेलमा कोलम्बियाले कङ्गो लोकतान्त्रिक गणराज्यलाई १–० ले पराजित गर्दै नकआउट चरणमा प्रवेश गरेको छ ।

मेक्सिकोको एस्तादियो ग्वाडालाहारामा सम्पन्न खेलमा दोस्रो हाफको ७६औँ मिनेटमा ड्यानियल मुन्योसले गरेको गोल नै निर्णायक बन्यो। उक्त गोलमा जुआन क्विन्तेरोले असिस्ट गरेका थिए।

पहिलो हाफ गोलरहित बराबरीमा सकिएको खेलमा दुवै टोलीले कडा प्रतिस्पर्धा गरेका थिए। दोस्रो हाफमा कङ्गो लोकतान्त्रिक गणराज्यले केही राम्रो अवसर सिर्जना गरे पनि गोल गर्न सकेन।

अन्तिम इन्जुरी समयमा पनि उनीहरूले दबाब बढाए, तर कोलम्बियाका गोलरक्षक क्यामिलो भार्गासले उत्कृष्ट बचाउ गर्दै टोलीलाई अग्रता जोगाउन सहयोग गरे।

अन्तिम समयमा कङ्गोले लगातार आक्रमण गरे पनि बराबरी गोल निकाल्न सकेन र खेल कोलम्बियाको पक्षमा समाप्त भयो।