गोवालाई नेपाल ‘ए’ले दियो २१० रनको लक्ष्य

काठमाडौँ- ओपनर तृतराज दासको शतक सहयोगमा नेपाल ‘ए’ले अल इण्डिया गोल्डकपको दोस्रो खेलमा गोवा क्रिकेट एसोसिएसन टोलीविरुद्ध २१० रनको बलियो योगफल तयार गरेको छ।

रातीको भारी वर्षासँगै मैदान चिसो भएपछि ढिला सुरु भएको खेल ३४ ओभरमा घटाइएको थियो । भारतको देहरादुनमा भइरहेको खेलमा पहिले ब्याटिङ गरेको नेपाल ‘ए’ ले निर्धारित ३४ ओभरमा ९ विकेट गुमाएर २१० रनको बलियो योगफल तयार गर्यो ।