स्याङ्जामा सुरक्षित पर्यटक सचेतना अभियान

स्याङ्जा प्रवेशको प्रमुख नाका रामनदीधामबाट भारत लगायत विभिन्न देशबाट आउने पर्यटकलाई लक्षित गरी स्वागत तथा सचेतनामूलक अभियान थालिएको छ ।

जिल्लामा प्रवेश गर्ने पर्यटकलाई स्याङ्जाका धार्मिक, सांस्कृतिक तथा पर्यटकीय स्थलहरूको जानकारी गराउने तथा स्वागत गर्ने उद्देश्यले अभियना थालिएको हो । अभियान गण्डकी प्रदेश सरकारअन्तर्गतको एकीकृत सेवा कार्यालय स्याङ्जा, जिल्ला प्रशासन कार्यालय स्याङ्जा, जिल्ला प्रहरी कार्यालय स्याङ्जा तथा जिल्ला ट्राफिक प्रहरी कार्यालय स्याङ्जाको सहयोग र सहकार्यमा गरिएको हो ।