मन्त्रालय भागवण्डामा ठुस्कियो जसपा, सरकारमा नजाने घुर्की

काठमाडौं- जनता समाजवादी पार्टी (जसपा) ले मन्त्रालय भागवण्डामा असहमति जनाएको छ। सोमबार राति बसेको उच्चस्तरीय राजनीतिक संयन्त्रको बैठकले गरेको मन्त्रालय भागवण्डाको निर्णयप्रति असहमति जनाउँदै निर्णय पुनर्विचार नगरिए सरकारमा नजाने जसपाले स्पष्ट पारेको छ।

बैठकमा जसपालाई दुई मन्त्रालय प्रस्ताव गरिएकोमा जसपा अध्यक्ष उपेन्द्र यादवले असहमति जनाएका थिए। निर्णय मंगलबार बिहानसम्म नमिलाए तत्त्काल सरकारमा सहभागी नहुने जसपाले प्रधानमन्त्री पुष्पकमल दाहाल र एमाले अध्यक्ष केपी शर्मा ओली लगायतलाई जानकारी गराएको छ।