कोलम्बिया विश्वकपको नकआउट चरणमा

काठमाडौँ । कोलम्बिया विश्वकप फुटबलको अघिल्लो चरणमा प्रवेश गरेको छ । समूह चरणको दोस्रो खेलमा डीआर कंगोमाथि १–० को जितसहित लगातार दोस्रो सफलता हात पार्दै कोलम्बिया अन्तिम ३२ मा पुगेको हो ।

खेलको ७६ औँ मिनेटमा डानियल मुनोजले गरेको गोल नै कोलम्बियालाई जिताउन निर्णायक बन्यो ।

यो खेलको नतिजासँगै समूह केको पोर्चुगल पनि अर्को चरणमा पुगेको छ ।

दुई खेलबाट कोलम्बियाको ६ अंक छ । पोर्चुगलको चार तथा कंगोको एक अंक छ । उज्वेकिस्तानलाई पराजित गरेसँगै पोर्चुगल पनि अर्को चरणमा लगभग पक्का भएको हो ।

समूह चरणको अन्तिम खेलमा पोर्चुगल र कोलम्बिया भिड्ने छन् ।

कंगोले उज्बेकिस्तानसँग खेल्नेछ । कंगोको १ तथा उज्बेकिस्तानको अंक छैन ।