संसद्‌मा बालेनको 'सरप्राइज इन्ट्री' र सिधा प्रश्नोत्तर, तर पनि लफडा

काठमाडौं । प्रधानमन्त्री बालेन्द्र शाह बालेनको खोजी गरी विपक्षी दलहरूले लगातार संसद् अवरोध गर्दै आएका थिए । तर, सभामुख डीपी अर्यालले प्रधानमन्त्रीलाई रुलिङसमेत गर्न सकिरहेका थिएनन् । प्रधानमन्त्रीले संसद्को अपमान गरेको विपक्षीको आरोप थियो भने, सभामुख निरीह देखिएका थिए । तर, सरकारी विजनेशहरू सभामुख अर्यालले विपक्षीको अवरोधका बीच अगाडि बढाइरहेका थिए ।

आइतबार भने प्रतिनिधिसभाको बैठकमा प्रधानमन्त्री बालेन अप्रत्यासित रूपमा आए । र सभामुख अर्यालले बैठकको कारवाही सुरु गर्ना साथ हात उठाएर बोल्ने समय मागे । सभामुख अर्याल अलमलिए । अन्तमा सभामुखले प्रधानमन्त्री बालेनलाई रोस्ट्रमको प्रयोग गर्न अनुमति दिए । रोस्ट्रममा पुगेका प्रधानमन्त्री बालेनले धेरै दिनदेखि सांसदहरूले आफूसँग प्रश्न गर्न चाहेको उल्लेख गर्दै आफू उत्तर दिन आएको बताए ।