विपद्‍मा स्वयंसेवकको अब्बल उदाहरण बने गणेश नेपाली

काठमाडौँ । विपद्का बेला स्वयंसेवकले कसरी सेवा गर्न सक्छन् भन्ने उदाहरण रसुवाको मैलुङका गणेश नेपाली बनेका छन् । भदौ १० गते बिहान भोटेकोशी नदीमा आएको बाढीबाट जोगिएका नेपाली अहिले जोखिम मोलेर त्रिशूली नदीमाथि बनेको अस्थायी तुइनमा डोरी तान्ने काममा स्वयंसेवकका रूपमा खटिएका छन् ।

विदुर नगरपालिका–९ स्थित सिमुटार–कोलनी जोड्ने तुइनमा नेपाल रेडक्रसका स्वयंसेवकका रूपमा नेपालीले बाढी प्रभावित तथा अत्यावश्यक सामग्रीलाई तुइनमार्फत वारिपारि गर्न सहजीकरण गरिरहेका छन् ।