सिधनियाघाटको राप्ती नदीमा निर्माणाधीन पुलप्रति स्थानीय असन्तुष्ट

बाँके । बाँकेको सिधनियाघाटस्थित राप्ती नदीमा ७०० मिटर लम्बाइको पक्की पुल धमाधम निर्माण भइरहे पनि स्थानीयवासी खुसी हुन सकेका छैनन्।

नरैनापुर र राप्तीसोनारी गाउँपालिकालाई सदरमुकाम नेपालगन्जसँग जोड्ने सिधनियाघाटस्थित राप्ती नदीको पुललाई पूरै राप्ती नदी वारपार हुने गरी निर्माण गर्नुपर्ने स्थानीयको माग छ। हाल उक्त स्थानमा २०६२ सालमा निर्माण गरिएको ३५० मिटर लम्बाइको एक लेनको पक्की पुल सञ्चालनमा छ भने सोही स्थानमा हाल ७०० मिटर लम्बाइ र ११ मिटर चौडाइ भएको अर्को पुल निर्माणाधीन अवस्थामा छ।