कुशीनगरबाट ४५३ नेपाली उद्धार घटना : नेटवर्किङमा लाग्न बाध्य पारेर ‘बन्धक’

काठमाडौँ । रोजगारीको अवसर दिने बहानामा नेपाली नागरिकहरूलाई झुटा आश्वासन दिएर भारतमा बन्धक बनाएका ४५३ जनालाई नेपाल फर्काइएको छ ।

उत्तर प्रदेशको कुशीनगरमा बन्धक बनाइएकाहरूलाई उद्धार गर्न नेपाली राजदूतावासमा कार्यरत एसएसपी प्रकाश मल्ल कुशीनगर पुगेका थिए । मल्ल नेतृत्वको टिमले नेपाली नागरिकहरूलाई शनिबार बेलहिया नाका हुँदै भैरहवा ल्याएको छ । भारतीय प्रहरीसँग समन्वय गरेर त्यहाँ शारीरिक र मानसिक यातना भोगिरहेकालाई उद्धार गरिएको प्रहरी अधिकृतहरू बताउँछन् ।