वैदेशिक रोजगारीमा सयभन्दा बढी युवाले गुमाए ज्यान

वैदेशिक रोजगारीका क्रममा भित्रिएको विप्रेषण (रेमिट्यान्स) ले धेरै घरपरिवारको आर्थिक गर्जो टारे पनि तनहुँमा परदेशमा कमाउन गएका ऊर्जावान् युवाले ज्यान गुमाउँदा आँसु बगाउने परिवारको सङ्ख्या धेरै भएका छन् ।

सुरक्षित आप्रवासन (सामी) कार्यक्रम अन्तर्गत जिल्लामा सञ्चालित आप्रवासी स्रोत केन्द्रको तथ्याङ्क अनुसार विगत साढे छ वर्ष (आर्थिक वर्ष २०७६/७७ मङ्सिरदेखि चालु आव २०८२/८३ को असार ७ गतेसम्म) को अवधिमा वैदेशिक रोजगारीका क्रममा तनहुँका चार महिला र १२४ पुरुष गरी कुल १२८ जना युवा कामदारले विदेशी भूमिमा ज्यान गुमाएका छन् ।