सत्ता, शक्ति र सम्पत्तिबाट डिल्लीबजार कारागारसम्म: एकै जेलमा थुप्रिए देशका चर्चित ‘पावर सेन्टर’हरू

काठमाडौं । कुनै समय सरकार, प्रशासन र विभिन्न शक्तिकेन्द्रमा प्रभाव जमाएका चर्चित व्यक्तिहरू अहिले डिल्लीबजार कारागारमा छन्। छायाँ सरकार चलाउने हैसियत बनाएका भनिएका दीपक भट्टदेखि सूचना प्रविधि क्षेत्रका प्रभावशाली पात्र विकल पौडेलसम्म यतिबेला यही कारागारमा थुनिएका छन्।

बुधबार बिचौलिया भनिएका दीपक भट्ट र सुलभ अग्रवाल सम्पत्ति शुद्धीकरण मुद्दामा पुर्पक्षका लागि डिल्लीबजार कारागार चलान भएका हुन्। विशेष अदालतले अनुसन्धान र सुनुवाइ नसकिँदासम्म उनीहरूलाई थुनामै राख्न आदेश दिएको हो।