नगरको निर्णय विरुद्ध व्यापारीहरु आन्दोलित

गौशाला : गौशाला नगरपालिकाको निर्णयको विरोध गर्दै स्थानीय व्यापारीहरूले टायर बालेर बजार बन्द गराएका छन्। आइतबार बिहान ७ बजेदेखि बिहान ११ बजेसम्म बजार बन्द गरी विभिन्न चोकहरूमा टायर बालेर विरोध प्रदर्शन गरेका हुन्।

स्थानीयले देवनारायण महतोको अध्यक्षतामा गठित १५ सदस्यीय संघर्ष समितिको आह्वानमा नगरको निर्णयविरुद्ध आन्दोलन गरिएको हो। यसअघि स्थानीयवासीले शुक्रबार र शनिबार गौशाला बजार क्षेत्रमा ब्यानर तथा प्लेकार्डसहित विरोध प्रदर्शन गरेका थिए। नगरपालिकाले घर भत्काउने तयारी थालेको भन्दै स्थानीयवासीले त्यसप्रति असन्तुष्टि जनाएका हुन्।