लगानी करोडमा, कमाइ लाखमा !

२०८३ सालको सुरुवात चलचित्र क्षेत्रमा सुखद देखियो। ‘लालीबजार’, ‘परालको आगो’देखि ‘गौंथली’सम्मका चलचित्रले बक्स अफिसमा राम्रो कलेक्सन गर्न सफल भए। कपिल रिजाल निर्देशित चलचित्र ‘गौंथली’को कुरा गर्ने हो भने साउन १ गतेदेखि प्रदर्शनमा रहेको यसले नेपालको सर्वाधिक कमाउने चलचित्रको दोस्रो स्थान बनाउन सफल भएको छ। हालसम्म पनि ‘गौंथली’ सिनेमा घरमा प्रदर्शनरत छ।

त्यसैगरी, वैशाख २५ गतेदेखि प्रदर्शनमा आएको ‘लालीबजार’ साढे तीन करोड रुपैयाँको लगानीमा निर्माण भएको थियो। यसले आफ्नो प्रदर्शन अवधिमा कुल ९ करोड ३२ लाख रुपैयाँ कलेक्सन गर्न सफल भयो। यसलाई हामी हिट चलचित्रको सूचीमा राख्न सक्छौँ।