नवलपुरमा नौ दिनमा तीन विद्युत् ट्रान्सफर्मर चोरी

नवलपुरमा सिँचाइ प्रयोजनका लागि जडान गरिएका विद्युत् ट्रान्सफर्मर लगातार चोरी हुन थालेका छन् । जिल्लामा नौ दिनको अवधिमा तीनवटा ट्रान्सफर्मर चोरी भएका छन् ।

मङ्गलबार राति गैँडाकोट नगरपालिका–१२ सुनबर्साबाट भूमिगत सिँचाइ उपभोक्ता समितिले बोरिङ सञ्चालनका लागि जडान गरेको ट्रान्सफर्मर चोरी भएको वडाध्यक्ष चक्रपाणि कँडेलले जानकारी दिनुभयो ।