दुई सय अन्तर्राष्ट्रिय खेलसहित मोड्रिचको कीर्तिमान

काठमाडौँ । क्रोएसियाका दिग्गज कप्तान लुका मोड्रिचले पुरुष अन्तर्राष्ट्रिय फुटबलमा २०० खेल खेल्ने ऐतिहासिक कीर्तिमान बनाएका छन्। उनी यो अभूतपूर्व उपलब्धि हासिल गर्ने क्रोएसियाका पहिलो तथा विश्व फुटबल इतिहासकै चौथो खेलाडी बनेका हुन्।

जारी फिफा विश्वकप २०२६ अन्तर्गत समूह ‘एल’ को खेलमा क्रोएसियाले पानामालाई १–० ले पराजित गर्दा मोड्रिचले आफ्नो २००औँ अन्तर्राष्ट्रिय खेल पूरा गरेका हुन्। सन् २००६ जुन १ मा राष्ट्रिय टोलीबाट डेब्यु गरेका ३९ वर्षीय मिडफिल्डर मोड्रिचले करिब दुई दशक लामो अन्तर्राष्ट्रिय करियरमा २९ गोल गरिसकेका छन् र उनी अझै पनि टोलीको मुख्य खम्बाका रूपमा मैदानमा सक्रिय छन्।