धान खेतमा जंगली हात्ती मृत फेला

झापा : झापाको मेचीनगर नगरपालिका–३ बाहुनडाँगीस्थित पहलेधापमा एउटा जंगली हात्ती मृत अवस्थामा फेला परेको छ। बुधबार बिहान साढे ६ बजेतिर स्थानीयको धान खेतमा भाले जंगली हात्ती मृत अवस्थामा फेला परेको इलाका प्रहरी कार्यालय काँकडभिट्टाका डीएसपी निशेष चापागाईँले जानकारी दिए ।

हात्ती खेतमा मृत फेला परेपछि स्थानीयले प्रहरीलाई खबर गरेका थिए। घटनाको जानकारी पाएलगत्तै इलाका प्रहरी कार्यालय काँकडभिट्टा र वन कार्यालयको संयुक्त टोली घटनास्थलमा पुगेको थियो।