श्रीलंकासँगको खेलमा नेपालको कप्तानी रेनुका नगरकोटीले गर्ने

काठमाडौं : साफ महिला च्याम्पियनसिप–२०२६ को दोस्रो खेल श्रीलंकाविरुद्ध नेपालको कप्तानी रेनुका नगरकोटीले गर्ने भएकी छिन् । भारतको गोवास्थित, जवारलाल नेहरु स्टेडियममा हुने यस खेलमा अघिल्लो खेलमा कप्तानी गरेकी गोलकिपर एन्जिला तुम्बापो सुब्बालाई बेन्चमा राख्दै आजको खेलको कप्तानी रेनुकालाई दिइएको छ ।

पहिलो खेलमा भन्दा दोस्रो खेलमा नेपालले प्लेइङ सेटमा ४ परिवर्तन गरेको छ । जसमा गोलकिपर एन्जिलाको स्थानमा अन्जना राना, पुजा रानाको स्थानमा प्रतिक्षा चौधरी, अनिता बस्नेतको स्थानमा सरु लिम्बु र अनिता लम्जेलको स्थानमा मिना देउवाले पहिलो रोजाइमा स्थान बनाएका छन् ।