बाक्लो हुस्सुमा रोकिराखेको ट्यांकरमा ईभी कार ठोक्किँदा चार जना घाइते

सप्तरी – सप्तरीको सुरुङ्गा नगरपालिका–६ श्रीपुरमा बाक्लो हुस्सुका कारण ईभी कार सडकपेटीमा रोकिराखिएको भारतीय नम्बर प्लेटको ट्यांकरमा ठोक्किँदा चार जना घाइते भएका छन् । दुर्घटना पूर्व–पश्चिम राजमार्गमा बुधबार बिहान करिब पौने ६ बजे भएको हो ।

प्रहरीका अनुसार काठमाडौंबाट झापातर्फ जाँदै गरेको बा.प्र.०१–०३५च ३३१७ नम्बरको ईभी कार बिग्रिएर सडकपेटीमा रोकिराखिएको डब्लुबी ११ एफ १७९५ नम्बरको भारतीय ट्यांकरमा ठोक्किएको हो ।