कपाल झर्ने समस्याबाट छुटकारा पाउन के गर्ने?

काठमाडौं- केटा होस् वा केटी, कालो बाक्लो कपाल होस् भन्ने चाहना सबैमा हुन्छ। तर, आजको अस्वस्थ जीवनशैली, गलत खानपान र प्रदूषित वातावरणका कारण कपाल झर्ने समस्या बढ्दै गएको छ।

मानिसको कपाल सानै उमेरमा झर्न थाल्छ। कपाल झर्ने समस्या महिलाको तुलनामा पुरुषमा बढी देखिएको छ। कपाल झर्ने समस्यामा परेका महिलादेखि पुरुषसम्म विभिन्न प्रकारका घरेलु उपचार, कपालको तेल, स्याम्पु र उत्पादन प्रयोग गर्छन्। तर, कहिलेकाहीँ यसको उल्टो असर पनि पर्छ। डन्डीफोर र पातलो कपालको समस्या बढ्न थाल्छ। विज्ञहरूका अनुसार केही चिजको सेवनले कपाल झर्ने समस्या बढी हुन्छ।