नेपाल चिकित्सक संघमा डा बद्रि रिजाल नेतृत्वको नयाँ कार्यसमितिलाई पदभार हस्तान्तरण

भरतपुर – नेपाल मेडिकल एसोसिएसन (एनएमए) को नवनिर्वाचित कार्यसमितिलाई आज भरतपुरमा आयोजित विशेष समारोहबीच पदभार हस्तान्तरण गरिएको छ। अल नेपाल मेडिकल कन्फ्रेन्स (एनेमेकन–२०२६) को दोस्रो दिन आयोजित कार्यक्रममा बागमती प्रदेशका मुख्यमन्त्री इन्द्रबहादुर बानियाँको उपस्थितिमा नयाँ नेतृत्वलाई जिम्मेवारी हस्तान्तरण गरिएको हो।

वैशाखमा सम्पन्न निर्वाचनबाट डा. बद्री रिजाल अध्यक्षमा निर्वाचित भएका थिए। त्यसैगरी वरिष्ठ उपाध्यक्षमा डा. सञ्जीव तिवारी, महासचिवमा डा. विश्वराज दवाडी, कोषाध्यक्षमा डा. संयुक्त आचार्य, सह–कोषाध्यक्षमा डा. तेजसु सिंह मल्ल तथा सहसचिवमा डा. हुलास अग्रवाल निर्वाचित भएका थिए।