‘बाढीबाट १७ हजार बालबालिकामा मानसिक समस्या’

नेपालमा हालै आएको विनाशकारी बाढीबाट प्रभावित हजारौं बालबालिकालाई तत्काल मानसिक स्वास्थ्य तथा मनोसामाजिक सहयोग आवश्यक रहेको युनिसेफले जनाएको छ। संयुक्त राष्ट्रसंघीय उक्त निकायले मंगलबार बाढी प्रभावित करिब १७ हजार बालबालिकालाई मानसिक स्वास्थ्य तथा मनोसामाजिक सहयोगको आवश्यकता औंल्याएको हो।

विपद्का कारण उत्पन्न तनाव र मानसिक आघातबाट जोगाउन उनीहरूलाई तत्काल मानसिक स्वास्थ्य तथा मनोसामाजिक सहयोग आवश्यक रहेको युनिसेफको भनाइ छ। बाढीका कारण आफन्त गुमाउँदा, घर तथा विद्यालय ध्वस्त हुँदा, समुदायबाट विस्थापित हुनुपर्दा र परिवारबाट अलग हुनुपर्दा बालबालिका डराएको युनिसेफले जनाएको छ।