तनहुँमा अनेरास्ववियुको भागमा दुई क्याम्पस, नेविसंघ र क्रान्तिकारी एक/एकमा विजयी

तनहुँ — जिल्लाका चारवटा क्याम्पसमा भएको स्वतन्त्र विद्यार्थी युनियनको निर्वाचनमा अनेरास्ववियु दुईवटा क्याम्पसमा विजयी हुँदा नेविसंघ र अखिल (क्रान्तिकारी)ले एक/एक क्याम्पसमा विजय हात पारेका छन् ।

मंगलबार सम्पन्न निर्वाचनमा भिमाद नगरपालिकास्थित जनज्योति क्याम्पसमा अनेरास्ववियुका विप्लव भण्डारी स्ववियु सभापतिमा विजयी भएका छन् । नेपाल विद्यार्थी संघ र अखिल क्रान्तिकारीको गठबन्धनलाई हराउँदै भण्डारी सभापतिमा विजयी भएका हुन् ।