दोर्दी र किसेदीमा माछा मार्न प्रतिबन्ध

लमजुङ । लमजुङको दोर्दीमा क्रियाशील शान्ति मिलन युवा क्लबले वातावरण संरक्षण तथा सरसफाइ अभियानलाई थप प्रभावकारी बनाउने उद्देश्यसहित विभिन्न महत्वपूर्ण निर्णयहरु गरेको छ । क्लबका अध्यक्ष गोविन्द राना मगरको अध्यक्षतामा भएको आम भेलाले दोर्दी खोला र किसेदी खोलाको संरक्षणलाई प्राथमिकतामा राख्दै नयाँ कार्ययोजना अघि सारेको हो ।

नौथर सेरावरपरका आमा तथा बाबा समूह र युवाहरुको सहभागितामा भएको भेलाले स्थानीय जलस्रोत, प्राकृतिक सम्पदा तथा पर्यावरण संरक्षणका लागि दोर्दी खोला र किसेदी खोलामा हुने फोहोर व्यवस्थापनलाई व्यवस्थित बनाउने निर्णय गरेको छ । विशेष गरी प्लास्टिकजन्य तथा सिसाजन्य फोहोर जथाभावी फाल्ने कार्य नियन्त्रण गरिने तथा बाहिरबाट आउने व्यक्तिहरुले नदी तथा आसपासका क्षेत्रमा फोहोर गर्ने गतिविधिमाथि निगरानी बढाइने जनाइएको छ ।