उपराष्ट्रपति र कतारका अमिरबीच दोहामा उच्चस्तरीय भेटवार्ता

३१ असार, काठमाडौं । उपराष्ट्रपति रामसहायप्रसाद यादव र कतारका अमिर शेख तमिम बिन हमाद अल थानीबीच कतारको राजधानीमा दोहामा उच्चस्तरीय भेटवार्ता भएको छ । दोहास्थित लुसेल प्यालेसमा बुधबार उच्चस्तरीय शिष्टाचार भेटवार्ता भएको हो ।

भेटमा उपराष्ट्रपति यादव कतारका पूर्वअमिर शेख हमाद बिन खलिफा अल थानीको निधनप्रति नेपाल सरकार तथा नेपाली जनताका तर्फबाट शोक व्यक्त र हार्दिक समवेदना प्रकट गर्न कतार भ्रमणमा गएका हुन् ।