वन संरक्षणसँगै आम्दानी वृद्धि, जुम्लामा ११ महिनामा ६५ लाख राजस्व संकलन

काठमाडौं- डिभिजन वन कार्यालय जुम्लाले चालु आर्थिक वर्ष २०८२/८३ को ११ महिनामा ६५ लाख ४१ हजार रुपैयाँभन्दा बढी राजस्व संकलन गरेको छ।

कार्यालयका वन अधिकृत तेजेन्द्र रावलका अनुसार विभिन्न राजस्व शीर्षकअन्तर्गत वन क्षेत्रको रोयल्टीबाट ९३ हजार ४०० रुपैयाँ, बेरुजु शीर्षकबाट ४ लाख ७५ हजार ५८१ रुपैयाँ, प्रशासनिक सेवा शुल्कबाट ९ हजार १७५ रुपैयाँ तथा अन्य आयमार्फत ५९ लाख ६३ हजार १५० रुपैयाँ राजस्व संकलन भएको हो।