विजय मल्लको उपन्यास ‘अनुराधा’माथि फिल्म बनाउँदै उदय

काठमाडौँ । साहित्यकार विजय मल्लको उपन्यास ‘अनुराधा’ माथि फिल्म बन्ने भएको छ । निर्माता, वितरक तथा प्रदर्शक प्रदीप कुमार उदयले यस कृतिमाथि फिल्म बनाउन लागेका हुन् ।

उपन्यासमा पितृसत्तात्मक मूल्य–मान्यताभित्र नारीले झेल्नुपर्ने उत्पीडनका बिच अनुराधाले गर्ने विद्रोह समेटिएको छ । फिल्मले पनि सामाजिक, राजनीतिक, सांस्कृतिक, मनोरञ्जनात्मक, शैक्षिक तथा सन्देशमूलक कथा पस्किनेछ ।