विश्व लोकतन्त्रको पछिल्लो अवस्था र नेपालमा संस्थागत सुधारको ऐतिहासिक अवसर

एजेन्सी । इन्टरनेसनल इन्स्टिच्युट फर डेमोक्रेसी एन्ड इलेक्टोरल असिस्टेन्स (इन्टरनेसनल आइडिया) ले सार्वजनिक गरेको ‘ द ग्लोबल स्टेट अफ डेमोक्रेसी २०२६ः डेमोक्रेसी इन एन एज अफ कन्फ्लिक्ट ’ प्रतिवेदनले विश्वव्यापी लोकतन्त्रको पछिल्लो अवस्था, यसका उतारचढाव र द्वन्द्वसँगको यसको अन्तःसम्बन्धलाई विस्तृत रूपमा विश्लेषण गरेको छ ।

वर्तमान समयमा तीव्र सामाजिक, आर्थिक, प्राविधिक र भूराजनीतिक उथलपुथलका कारण विश्व राजनीति निकै संवेदनशील मोडमा पुगेको प्रतिवेदनको निष्कर्ष छ । प्रतिवेदनले विश्वका १७० भन्दा बढी देशहरूको लोकतान्त्रिक कार्यसम्पादनलाई मुख्य चार खम्बा प्रतिनिधित्व (रिप्रिजेन्टेसन), अधिकार (राइट्स), विधिको शासन (रुल अफ ल) र सहभागिता (पार्टिसिपेसन) मा विभाजन गरेर सूक्ष्म अध्ययन प्रस्तुत गरेको छ ।