भएकै टेलिकम कम्पनीलाई बन्द गराएको सरकारले नयाँ प्रतिस्पर्धी किन खोज्दै छ ?

सरकारले नेपाल टेलिकम र एनसेलसँग प्रतिस्पर्धा गर्ने बलियो संस्थाको रूपमा दूरसञ्चारको क्षेत्रमा तेस्रो सेवाप्रदायकको खोजी गर्न थालेको छ । भएकै कम्पनीलाई सहजीकरण गर्न नसकेको सरकारकै कारण ४ वटा कम्पनी बन्द गराएर अर्को कम्पनीको खोजी गर्नुले सरकारकै नियतमाथि प्रश्न उठ्ने गरेको छ ।

काठमाडौं । नेपालमा भएकै टेलिकम कम्पनीलाई सहजीकरण गरेर सञ्चालन गर्न नसकेको सरकारले बलियो प्रतिस्पर्धीका नाममा तेस्रो सेवाप्रदायक भित्र्याउन खोजिरहेको छ । टेलिकम कम्पनी सञ्चालन गर्न सरकारले यसअघि ६ वटा सेवाप्रदायकलाई अनुमति दिएकोमा हाल २ वटामा मात्रै सीमित छ ।