सभामुख सरकारको सहजकर्ता होइन, संसदको गरिमा र नियमको संरक्षक हुनुपर्छ : महेश बर्तौला

नेकपा एमालेका नेता महेश बर्तौलाले आइतबारको प्रतिनिधिसभा बैठक सञ्चालन शैलीमाथि गम्भीर प्रश्न उठाउँदै सभामुखले संसदीय नियम, प्रक्रिया र संस्थागत मर्यादाको संरक्षण गर्नुपर्ने बताएका छन्।

अघिल्लो प्रतिनिधिसभामा एमालेको तर्फबाट प्रमुख सचेतक रहेका उनले प्रधानमन्त्रीले आकस्मिक रूपमा रोस्ट्रम प्रयोग गरेर सांसदका प्रश्नको जवाफ दिएको र त्यसका लागि सभामुखले दिएको अनुमतिलाई संसदीय अभ्यास तथा प्रक्रियाको दृष्टिले विवादास्पद र त्रुटिपूर्ण भएको टिप्पणी गरेका छन्।