च्याम्पियन्स लिग र युरो कपमा अलिबाबाकाे एआई र क्लाउड सेवा, ३६०-डिग्री रिप्ले प्रविधि पनि भित्रिँदै

काठमाडाैँ । च्याम्पियन्स लिग र युरोकप युरोपेली फुटबल महासङ्घ (युईएफए) ले युरोपका प्रमुख प्रतियोगिताहरूमा चिनियाँ कम्पनी अलिबाबा ग्रुपको आर्टिफिसियल इन्टेलिजेन्स (एआई), क्लाउड र ३६०-डिग्री रिप्ले टेक्नोलोजी भित्र्याउने भएको छ । यसका लागि अलिबाबा ग्रुप र युईएफएले ६ वर्षे विशेष सम्झौतामा हस्ताक्षर गरेको सिन्ह्वालगायत चिनियाँ सञ्चारमाध्यमहरुको रिपोर्टमा उल्लेख छ ।

सम्झौताअनुसार युईएफएले अलिबाबाको एआई मोडेल क्वेन (Qwen) सँग सहकार्य गर्नेछ । अन्तर्राष्ट्रिय ओलम्पिक समिति र एनबीए चाइनालगायतले पनि अलिबाबाको सोही एआई प्रयोग गरिरहेका छन् । युरोपेली फुटबलले आफ्नो डिजिटल रूपान्तरण र फ्यान इङ्गेजमेन्टलाई तीव्र बनाइरहेका बेला उक्त सम्झौता भएको हो ।