इजरायली सेनाद्वारा लेबनानको रणनीतिक किल्ला कब्जा

काठमाडौं । इजरायली सेनाले दक्षिणी लेबनानमा मध्ययुगीन कालमा बनेको एउटा किल्ला रहेको रणनीतिक पहाड कब्जा गरेको छ । यो विगत २६ वर्षयताकै लेबनानभित्र इजरायलको सबैभन्दा भित्री क्षेत्रसम्मको सैन्य घुसपैठ मानिएको छ ।

नबातिह सहरनजिक अवस्थित बोफोर्ट किल्ला कब्जा वरपरका गाउँहरूमा धेरै दिनसम्म चलेको भीषण लडाइँ र हवाई आक्रमणपछि सम्भव भएको एएफपीले जनाएको छ । इजरायली सेना उक्त दुर्गम क्षेत्रमा हिजबुल्लाहका सदस्यहरूसँग लडिरहेको थियो ।