भारतीय दूतावासद्वारा सुरक्षा चिन्ताका कारण इरानको यात्रा नगर्न चेतावनी जारी

मध्य पूर्वमा व्याप्त तनाव नियन्त्रण गर्न जारी कूटनीतिक प्रयासको बिचमा, इरानस्थित भारतीय दूतावासले सुरक्षा चिन्ताको कारण देखाउँदै बुधबार भारतीय नागरीकलाई इरानको यात्रा नगर्न चेतावनी दिएको छ ।

औपचारिकरूपमा जारी गरिएको सुरक्षा सुझावमा, दूतावासले तेहरानमा विद्यमान सुरक्षा अवस्थालाई नजिकबाट निगरानी गरिरहेको बताएको छ । पछिल्लो समयमा सकारात्मक घटना क्रम र समग्र स्थितिमा भएको सुधारउन्मुख अवस्थामा पनि दूतावासले इरान यात्रा गर्ने विचार गरिरहेका भारतीय नागरिकका लागि संशोधित सुझाव जारी गरेको जनाइएको छ ।

हालैका सुधारका बावजुद, पनि अर्को सूचना नआएसम्म भारतीय नागरिकलाई इरानको यात्रा नगर्न सल्लाह दिएको दूतावासले समाजिक सञ्जाल एक्समार्फत जनाएको हो । दुतावासले यस अघि नै इरानमा रहेका भारतीय नागरिकलगायत अत्यावश्यक कामकालागि इरानको यात्रा गर्नेलाई उच्च स्तरको सतर्कता, सावधानी र परिस्थितिजन्य सुरक्षा कायम राखी यात्रा गर्न आग्रह गरेको थियो ।

दुतावासले जारी गरेको विश्वसनीय सूचना स्रोत पालना गर्नुका साथै स्थानीय अधिकारीको निर्देशनको पालना गर्नुपर्ने जनाइएको छ । उनीहरूलाई सूचनाको विश्वसनीय स्रोतमार्फत स्थानीय घटनाक्रमलाई नजिकबाट निगरानी गर्न र स्थानीय अधिकारीले जारी गरेका सबै निर्देशनको पालना गर्न सल्लाह दिएको विज्ञप्तिमा उल्लेख गरिएको छ । दूतावासले इरानमा रहेका सबै भारतीय नागरिकलाई सकेसम्म चाँडो आफ्नो विवरण दर्ता गर्न र दूतावासको आधिकारिक वेबसाइटमार्फत जारी गरिएका सुचनाबाट सूचित रहन कडा निर्देशन दिएको छ ।

दूतावासले आपतकालीन सहायताका लागि मोबाइल नम्बर, हेल्पलाइन नम्बर र इमेल ठेगानासमेत प्रदान गरेको छ । हाल इरानमा रहेका सबै भारतीय नागरिक र तत्काल इरान आइपुगेकालाई जति सक्दो छिटो भारतीय दूतावास तेहरानमा आफ्नो विवरण दर्ता गर्न कडा निर्देशन दिइएको छ । उनीहरूलाई दूतावासको आधिकारिक वेबसाइट र सामाजिक सञ्जाल एक्समार्फत नियमितरूपमा निगरानी गर्न सल्लाह दिएको छ ।

अमेरिका र इरानबिचमा लामो युद्ध अन्त्य गर्ने उद्देश्यले भएको एमओयू सम्झौताको पहिलो चरणको रूपमा प्राविधिक वार्ताको प्रारम्भिक चरणको समापन भएपछि, दुबै पक्षले उच्चस्तरीय समिति र ६० दिनभित्र अन्तिम सम्झौताका लागि मार्गदर्शन तय गर्न सहमत भएका छन् । निरन्तरको कूटनीतिक प्रयासको बावजुद अन्तर्राष्ट्रिय प्रमाणिकरण पहुँच स्ट्रेट अफ होर्मुजको दीर्घकालीन समुद्री प्रशासन, र इरानी वित्तीय भण्डारको विषयलाई लिएर एक–अर्काबिच आधारभूत असहमति भने अझै जारी रहेको जनाइएको छ । रासस/एएनआई