नेपाली बजारमा दमको 'सेरोफ्लो रोटाक्याप'को नक्कली औषधि फेला

काठमाडौं- नेपाली बजारमा श्वासप्रस्वास सम्बन्धी समस्याहरु दम तथा सिओपिडीको उपचारमा प्रयोग हुने एक प्रतिष्ठित कम्पनीको चर्चित ब्रान्डसँग मिल्ने गरी नक्कली औषधि बिक्री वितरण भइरहेको फेला परेको छ।

औषधि व्यवस्था विभागले बजारमा नक्कली औषधि बिक्री-वितरण भइरहेको फेला पारेको हो। विभागले बुधबार एक अत्यन्त जरुरी सूचना जारी गर्दै भारतीय औषधि उत्पादक कम्पनी 'सिप्ला लिमिटेड'द्वारा उत्पादित 'सेरोफ्लो रोटाक्याप्स' (SEROFLO ROTACAPS) को जस्तै नक्कली रूप बजारमा पाइएको पुष्टि गरेको हो।